Börger – Well kennt Gerrit, datt lüttke Bigge, datt utbüxt un anne Nordsee landet?

De Kinner ut de Boarger Grundschoule kennt üm nu, den lüttken Uträiter mit den besünneren Noamen. Un säi weetet, wo häi doar henkoamen is, watt häi doar beleewet hav un wo häi waer na Huus koamen is. Na Huus – datt hett, häi is waer in´t Moormuseum in Grot Hesepe bi däi aennern bunten Bentheimer Landschwiene  up de Waide landet. Doar, woar häi ock henhöart.

De Autor, Günter Hermes ut Geeste-Dalum hav van Gerrits Abenteuer voarläesen un vertellt. Un watt besünners moij was: De Maoler Pjotr Wolfram hav siene wunnerboaren Originalbelder doartau wieset!

De Kinner ut Boarger weetet nu watt ´ne Pogge is  un ´n Bigge, watt Broers un Süsters und Frönde bünt, watt ´n Spökenkieker und watt ´ne Bangebüx is. Un säi häbt  so wunnerlieke Noamen as Theda un Tammo höart.

Säi weetet, watt  „Heimweh“ un „Fernweh“ is. Eein poar „Lebensweisheiten“ war`n de ock bie:

„Moij is et överall in use Land,

Ock an de Äms un ock an´n Nordseestrand.

Wuss du ock maol watt änners säihn,

moak di up Patt, off Groot, off Kläin!”

Un dütt noch:

“Datt watt du in dien Läben am mäisten brukest, bünt de väier grooten F´s:

FAMILIE, FRÖNDE, FUTTERASCH und nich tau vergäten de FERIEN!“

In düssen Sinn: Pläseierlücke Osterferien!

Text/Foto: Christian Schröer, GHS Börger